Shkrimi i z. Fritz Radovanit kunder artikullit tim "Injoranca fetare..." dhe pergjigja ime
Nga Fritz RADOVANI:ok
PËRÇAMJA FETARE DHE ATDHETARE, DETYRË
E PËRJETËSHME E SIGURIMIT KOMUNIST SHQIPTAR.
O Zot! Po, të lutem, mos e premto që Shkodra eme, me u kthye në një Beirut të dytë!
I madhi Luigj Gurakuqi porositë: “Letrat pa emen e kanë vendin në
kosh..!”. Vetëm tue pasë parasyshë damin moral, fetar e atdhetar me
pasojat e tij rrenuese që i ka sjellë dhe vazhdon me i sjellë përditë
Popullit Shqiptar, sigurimi i shtetit komunist me metastazat e tij të
përhapuna në të gjithë globin dhe, tue vërejtë djallzinë e mënershme të
tij, këte herë të futun nën fletët e Ungjillit, për me përça Rininë
Shqiptare, aq debul për kah Feja e Atdhetarizmi, dhe mbarë Popullin
Shqiptar, mendja më imponoj të ulem dhe mbasi të kryej detyren teme si
Shkodranë, artikullin tuej që kam marrë para pak ditësh, ta çoj “aty ku
ka vendin”... simbas porosisë së Atdhetarit Gurakuqi...
As nuk e kishe ndër mend me u marrë me njerëz “pa emen”, mbasi kur i ke
thanë dikur në Shkoder “kujtdo” kjoftë, “i paemen”, ia ke thanë të
gjitha... Mungesa e emnit apo prezentimi i rremë apo i mësheftë etj.
ka vetëm një shpjegim: Mungesen e karakterit ose të thanun ma shqip:
paburrninë me tregue kush je... e prej ka rrjedhë dhe kujt i
shërben?!..Ndoshta, ke edhe turp me tregue!
Aspak me u çuditë!
Respekti për të vdekunit që prehën në Rëmaj dhe Ata Burra që kanë
Eshtnat pranë Tyne në Zallin e Kirit të Shkodres Martire, më detyrojnë
pa asnjë kusht, mos me heshtë!
Vetë titulli “Injoranca fetare katolike” më shtynë me mendue se autori
nuk ka fare ide kush asht kenë dhe asht edhe sot Kleri Katolik
Shqiptar, inteligjenca shkodrane, atdhetarët e përkushtuem dhe të
gjithë Ata Burra, që mbas vitit 1944 Enver Hoxha, me veglen terroriste
të tij, sigurimin e shtetit komunist, të formuem nga shovenistët
serbo-sllav dhe aziatikë, vetëm për me ia arrijtë qellimit të
shkombtarizimit dhe shkatrrimit me thëmel të Shqipnisë Evropjane, i
pushkatuen, i dhunuen vorret, i vodhën edhe veprat, i plaçkitën, i
shitën edhe Atdheun e lamë me Gjakun e Shenjtë të Tyne dhe, tashti, pa
pikë turpi si gjithmonë, donë me ua marrë edhe Fëtyrën... tue fillue
nga syzhgaba i Hotit Dedë Gjo’ Luli i Maleve tona...e deri tek ma i
fundit që i këndon At Gjergj Fishta OFM., tek “Lahuta e Malcis” apo,
Bariu i Alpeve të ashpra me fyellin e tij shekullor.
Më tregonte Prof. Nush Radovani sesi në një bashbisedim me z. Nut
Dragusha, kur Nushi po i shpjegonte mbi rranimet që kishte ba bombja
atomike në Hiroshima, ngjarje e cila ato ditë kishte një përvjetor,
Nuti mbasi e ndigjon një copë kohë me vemendje , e ndërpret: “Po lene
o z. Nush, damin që paska ba para sa vjetësh në Japoni bombja
atomike…ai dam nuk asht kurrgja sot me damin që asht tue ba përditë
injoranca...ajo ka pushtue miljona njerëz, të cilët janë çue e po
rrënojnë botën..!”
Don Kolec Prennushi tek parathanja e librit “Për Krishtin o kundër
Krishtit”, botue në vitin 1938, në Shkoder, shkruen: “Lufta që
racionalizmi nisi mbi katedra, ra mandej në rreshta të popullit e u ba
komunizëm, bolshevizëm gjithrranues. Sulmi i tij nuk qëllon vetëm
Hyjninë e Krishtit e Hyjnueshmeninë e Kishës por, edhe kullat mbrojtse
të tyne...Por, armët kundra vërsuljeve të anmiqve, sidomos në këte
kohë, kur mortaja e komunizmit ka pra atmosferën e përgjithshme, i
duhet popullit me i pasë përdoresh e kundra të zakonshmëve e, kundra
atyne ma të hollave që kanë hijen e ditunisë, të cilat, edhe në mos
paçin mërritë ndër ne, do të vijnë si mbeturina rranojash që hjedhë
dallka e detit në bregore tona.”
Dhe, ja...me sa meskinitet fillon shkrimi i juej: “Në fillim kam pasur
dëshiren të shkruaj në gegërisht, gjuha e lavdishme e katolikëve të
Veriut, por jam tërhequr nga ky projekt për arsye se jo të gjithë
shqiptarët e kuptojnë këte variant të gjuhës shqipe, dhe, se aktualisht
nuk jam në dijeni të existencës së një varianti standard të
gegërishtës.”
Këte të vërtetë që me siguri “padashje”e tregoni që në rreshtin e parë:
… “deshta me e shkrue gegërisht….por,” jeni “terhequr” gabimisht apo me
dashje nuk e di, por ju, nuk keni ditë se 70 % e të gjithë popullit
masakruem shqiptar flasin Gegënisht, së cilës, simbas jush edhe i
mungon “varianti standard”….kur, për ma tepër mbi 70 % e shkrimtarve
shqiptar janë shkrimtarët Gegë, që bashkë me popullin e tyne heroik
janë përfshi në genocidin e ushtruem nga Enver Hoxha (udhëheqes i juej)
me Partine e tij komuniste dhe të aplikuem në “Kongresin e
drejtëshkrimit të vitit 1972”. E, si do të shkruejshe ti në gjuhën e
lavdishme të katolikve të Veriut, popullsi mbi të cilën per 47 vjet
Enver Hoxha me pasuesin e tij Ramiz Alinë, ka zhduke inteligjencën,
kulturën, gjuhën, besimin, doket e zakonet burrnore të të gjithe
Shqiptarve dhe, tue krijue me çerdhet e tija të spijunazhit shemtimin e
bastardhuem të shqiptarit “njeriun e ri komunist”, një prej të cilve pa
diskutim mund të jenë cilido ai i paemen, i pa mbiemen, që perfaqson
vetëm një demagog…siç ishte edhe ai vetë, të mëshefun ende sot ndër
formacionet e budigardve të Ramiz Alisë me shokë, të cilin, kur e merr
malli për Shkodër, ashtu si ju në faqën e fundit: “ Ashtu bre o
Shkoder, qendro...”(fq. 38), shkoni e vizitoni kalanë e
Gjinokastrës…dhe rrotulloheni tri herë rreth shtëpisë së përbindshit
të Atdheut, tue i shërbye me të gjitha mjetët edhe për së vdekuni!
Një shqiptar që nuk kupton gjuhën që flet 70% e popullit të tij, ai i
thotë vedit gabim se asht shqiptar dhe se di me folë shqip. Ndonse,
djallzia e juej vazhdon tue e quejtë Gjuhën Gegënishte Shqipe, “gjuha e
lavdishme e katolikve të Veriut”, pikërisht, ajo gja, që e shtyni
E.Hoxhen me shpikë “gjuhën e njësuar”, që asht vetëm gjuha e tij ose
“gjuha e dreqit”, që për fat të keq edhe “perkthyesit” e Ungjillit, e
justifikojnë atë veprim që kanë ba pikërisht, kështu, si ju!
Gjuha Gegënishte asht Gjuha e Shqiptarve pra, që jetojnë në 70 % të
Trojeve tona dhe, jo, vetëm, e Popullit Katolik ndër Ato Troje, por e
të gjithë Shqiptarve pa dallim Feje.
Për ma sakt, ju, jepni porosi “fryti” i së cilës, më lejon me mendue
edhe për ju, në fq. 21: “(Ruajuni nga profetët e rremë që vijnë te ju
me veshjen e qengjit por përbrenda janë ujqër të uritur. Nga frytet e
tyre do t'i njihni. Mateu 7:15-16).”
Ju shkrueni në faqe 29: “Mjerisht, kundër mësimëve të Papës dhe Kishës
Katolike, klerikë katolikë shqiptarë kanë njohur dhe përkrahur qeverinë
e Vlorës të 1912, qeveri e cila nuk është thëmeluar mbi ligjët e Fesë
shenjte Katolike, ashtu siç mëson e porositë Selia e Shenjtë. Kjo
vërtetohet edhe me praninë e 5 katolikëve dhe 5 myslimanëve në këtë
qeveri. Pra, janë vëndosur interesat e kombit para interesave të
Zotit.”
Atëherë, me kenë kështu si thoni ju, pse vetë Papa Benedikti XV ka
veprue kundër “mësimeve të veta dhe Kishës Katolike” apo edhe Ai ishte
“injorant” simbas jush, kur Imz. Bumçi, mbasi vërenë një mungesë të
madhe sinqeriteti nga delegati italian në Paris Ministër i Jashtëm i
Italisë, me të cilin u takue me datën 26 tetor 1919, për marrveshjen
“Titoni – Venizellos” mes Italisë dhe Greqisë, në dam të tokave
Shqiptare, Imz. Bumçi u takue edhe me delegatin francez dhe amerikan,
tue nxjerrë nga këta bisedime një aksiomë filozofike që mund të shpikej
vetëm nga koka e Imz. Bumçit: Me datën 29 Dhetor 1919 Ai arrinë në
Vatikan dhe në ditët e para të Janarit 1920, u takue me Papen Benedikti
XV, të cilit, i tha: “Tash pra Shejtni, të gjithë Misat e Dergatës
Shqiptare që janë në Paris e që shumica asht myslimane, më kanë çue
këtu përpara Shejtnisë s’Uej e të gjithë për një goje U lutën që, me
fuqinë Tuej morale e me influencën e madhe që keni në Botën mbarë, të
na jepni ndihmën Tuej të vlefshme si kur dini Ju vetë, që na të
pështojmë dy provincat shqiptare, Korça e Gjinokastra, të cilat, janë
në rrezik prej akordit Titoni – Venizellos.”
Papa i shpjegoi Imz. Bumçit se Vatikani nuk kishte marrdhanje të mira
me Francën dhe Italinë por, do të takohej urgjentisht me ambasadorët
anglez dhe amerikan në Vatikan, të cilve, Ai, do Ti kërkonte me qendrue
në përkrahje të Popullit Shqiptar...dhe, e mbajti premtimin! Në të
njajtën kohë Imzot Bumçi porositë Qeverinë Shqiptare dhe Popullin tonë:
“Pikë së pari duhet pra, të kemi bashkim të plotë, urtësi të madhe,
durim e nderim për njenitjetrin. Duhet të shuejmë hidhënimet e mënitë
që na ndajnë, të respektojmë mendimet e shokve tonë e të mos ftohim e
të ashpërsojmë mardhanjet në mes të Shqiptarve prej çdo krahinash e
prej çdo Fenash që të jenë. Për të mirën e Atdheut, duhet sot, që ma i
madhi të bahet ma i vogël përpara të tjerve.” (“Krishtërimi ndër
Shqiptarë”, viti 2000, fq. 300).
Ju paraqiteni edhe si “përkthyes” i disa gjuhëve, nga të cilat keni
marrë këte material. Po, si mund t’ ju besoj unë ju, kur, ju, nga Gjuha
Shqipe, nëse asht gjuha e nanës suej, ju keni marrë disa fraza dhe i
keni interpretue gabim, ndoshta, me dashje, por ata nuk janë shkrue as
nga At Gjergj Fishta OFM., as nga Don Lazër Shantoja, ashtu si i keni
interpretue ju! Kjo më bindë për dashakeqjen tuej, por edhe për
“injorancen fetare” të tuejen, me të cilën ke dashtë me njollosë
kolosët e Klerit dhe shkrimtarët e Veriut e, bashkë me Ata, edhe të
gjithë Ata Atdhetarë Shqiptarë që janë edhe Gurt’e Parë të thëmelëve të
Shtetit Shqiptar, ideator dhe ndertues të Tij, por, që fatkeqësisht,
pothuej, asnjeni nuk e gzoi! Ja, dhe keqinterpretimet tueja, të cilat
zbulojnë “fëtyrën e mësheftë” të përçmuesit dhe të shpifsit “modern”
fq. 33:
“Si është e mundur atëherë që vetë At Fishta, në fjalimin e tij në
Konferencën e Parisit në 1919 të citojë revolucionarin anti-katolik
Jan-Jacques Rousseau : « Ani, ndërrojani zotat, por të paktën pyetni
këto bagëti njerëzore që quhen popull!».
Mos “ndoshta” At Fishta, “nuk e ka ditë” kush asht Rousseau, ose “nuk e
ka kuptue” aq mirë sa ju frengjishtën..?! Po të njajtin “gabim” ju,
përsëritni me Don Lazër Shantojën, tue ba edhe një hap ma mbrapa në
fushën e injorancës suej fq. 21, 22: “Biles skandali i rëndë kundër
Fesë shenjte katolike ka arritur deri aty, sa që një meshtar i njohur
shqiptar, Dom Lazër Shantoja, përkrahës i Qeverisë së Nolit, në një
poezi të botuar në gazetën Ora e Malëve, no. 31, ka shkruar se ai nuk
do më as Zot e as Fe katolike, por, Republikë, ashtu siç kanë dashur
gjithmonë Ndërtuesit e Lirë (Freemasonry), një prej shoqërive të
fshehta me armiqsore kundër Papës dhe Kishës shenjte Katolike.
[Radovani F., 3 Nandor 1923 (plot 23vjet para 11 Janar 1946)]” dhe,
vazhdoni tue dhanë edhe vendimin mbi bazën e mendimit tuej që ka vetëm
karakter shpifës, mbasi në dy rastët e sipërme si tek At Fishta, ashtu
tek Don Lazër Shantoja, që asht jo vetëm “meshtar i njohur shqiptar”
por, asht Martiri i Parë i Klerit Katolik Shqiptar, i pushkatuem me 5
Mars 1945 dhe, që Gjaku i Tij asht në Thëmelet mbi të cilat asht
Rinngjallë Feja dhe Kisha Katolike Shqiptare, ju, merrni fragmente për
qellime të tueja të kqija kur, të dy rastët janë “sarkazma” me të
cilat, Ata tallën 87 vjet përpara me ju atestët dhe flamurtarët e
revolucionit francez...apo, marksistë leninistët e deshtuem të
revolucionit proletar..?
Dhe, ja, verdikti i juej në fq. 37: “Nga shembujt e mësipërm shihët
qartë se injoranca fetare ka qenë dhe vazhdon të jetë një plagë e rëndë
e shoqërise shqiptare, injorancë për të cilën kleri katolik shqiptar
është përgjegjës para Zotit.”
Dhe, përnjëherë mu kujtuen vargjet e At Fishtës, me 28 Nandor 1913:
“Oj Zanë, t’këndojmë ... t’ vajtojmë, deshta me thanë;
Pse sot ditë kange s’ asht për mue e ty....”.
Kleri Katolik Shqiptar, atëherë dhe sot, nuk asht pregatitë nga
Universiteti i Tiranës, as nga shkollat e PPSh, siç prëgatiteshin
anëtaret e byrosë politike, por janë frut i 24 Universitetëve ma të
njohtuna të Evropës, ku, teologjia dhe filozofia kanë rranjët e tyne
shekullore.
Nuk mjaftoheni me kaq, por vazhdoni me At Anton Harapin OFM., edhe Ky
një tjetër “injorant” i Klerit Katolik Shqiptar, që tue pasë mundësinë
me “ikë me forcat gjermane” rrinë e martirizohet e pushkatohet nga
komunistët, që sot, edhe e përgojojnë kështu si ju!
Ju, shkrueni fq. 24: “ Janë lehjet e qenit ato që zgjojnë bariun. Të
njejtën gjë thotë edhe don Félix Sarda y Salvany në librin e tij të
mirënjohur e shumë aktual Le Libéralisme est un péché (Liberalizmi
është mëkat).”
Dhe, pikërisht, në fq. 22, kur flitni për Republikë, ju, thoni: “...
ashtu, siç kanë dashur gjithmonë Ndërtuesit e Lirë (Freemasonry), një
prej shoqërive të fshehta më armiqsore kundër Papës dhe Kishës shenjte
Katolike.”
Këto “lehje qeni” kundër At Fishtës, At Anton Harapit dhe Don Lazër
Shantojës, më zgjojnë një mendim: Mos ndoshta edhe autori i mësheftë i
artikullit “Injoranca fetare katolike...” asht me parimin që me luftue
Klerin Katolik Shqiptar dhe, jo Fenë, pikërisht ai parim i masonve, të
cilin, me datën 4 Dhetor 1923, të tre Autorët e sipërm e kanë zbulue
lakuriq idenë tuej, në gazetën “Ora e Maleve”, me artikullin
“Masoneria kundër parimeve fetare e kombëtare”..!?” ku, shkruhet:
“masonve u pelqen me i dhanë vendimet e me i ba ritet e veta, që na
kujtojnë kohën e mesme, mbrenda mureve t’errta e simbolike të lozheve
misterioze...Ata thonë: Na nuk jemi kundër fesë por, kundër klerit, që
e përdorë fenë për vegel. Masonët e dinë mirë se njeriu i ushqyem me
idetë e tyne, ka me kenë gati në rastin ma të parë, me lëshue përpara
të huejve, armët e veta morale e materiale që të kenë.”
I pari që aplikoi këto ide haptas në shtetin shqiptar ishte Enver
Hoxha, i cili, nuk la gja pa shpifë për Klerin Katolik Shqiptar, me
mendimin se “shpif e shpif se, diçka mbetë!”. E vetmja gja që nuk ka
pasë kurr guxim me e thanë asht kenë ajo që kërkoni ju me plotësue në
“veprat” e tija, të lanuna mangut: Se kleri katolik asht kenë edhe
injorant!
Por, mos harroni, se artikulli i juej nuk asht tjetër veç një “gjethe
fiku”...që, edhe këte, vjeshta e ardhëshme do ta kalbin ashtu si
parardhësin tuej, (për të cilin ju nuk flitni asnjë fjalë në shkrimin
tuej), po, të ardhun nga kabarët e Francës e, që, u fik atëherë, kur
donte të bahej “fanar ndriçues” i ateizmit marksist leninist në gjithë
botën e qytetnueme, pikërisht aty ndër ata shtete, ku, qytetnimi modern
mori hov nga Katoliçizmi! Mos edhe ky ishte frut i injorancës së
shkollave të klerit..?!
Për me ditë se kush ishte dhe asht Shqipnia e Populli i Saj besimtar e
Atdhetar, po, kaloj vetëm nëpër disa data kryesore të historisë së
fundit shek. XX, që, ju, me siguri nuk doni me e njohtë, përderisa nuk
e zeni me gojë e, që, asht ma domethanse se krejt ajo që shkrueni ju:
Shteti Shqiptar i të gjithë Atdhetarve lindi me 28 Nandor 1912, nën
kryesinë e Plakut të Vlonës Ismail Qemal Bej Vlona dhe, përbrinjë Tij,
Don Nikoll Kaçorri e Luigj Gurakuqi...
1913. Asht Nata e Festës së Flamurit. At Gjergj Fishta OFM., vendosë
Flamurin tonë kombëtar në kompanjelin e Kishës Françeskane të
Gjuhadolit në Shkoder, të cilin, e lidhë me kandila dritash me Xhaminë
e Fushës së Çelës në shenjë vllaznimi... Kur konsulli francez De
Philipps, i kërkon Fretënve uljen e Flamurit tue i kërcnue.., At
Fishta, i përgjigjet: “Jo, gjueni me top se, Flamuri ynë e ka për nderë
me u gjuejtë me top”...(“Mrizi i Zanave” botim i vitit 1941, Shkoder)
Mëllefi i shprehun nga ju kundër At Fishtës, asht vazhdimsi e Rexhep
Qosës, Rakip Beqes, Viron Kokës e Jup Kastratit me shokë, që kerkoni me
të gjitha mjetet e vume në dispozicionin tuej nga komunistët, me shue
jo, vetëm, Emnin e Tij, por edhe “Lahutën” me të cilën këndoi Ai, për
të cilën vepër, mbasi e lexoi shkenctari i madh gjinokastrit Eqrem
Çabej, tha: “Mbasi lexova ‘Lahuten e Malësisë’, që sot jam gati të
bëhëm katolik...”.
1944. Nandor, At Anton Harapi OFM., Rregjent i Shtetit Shqiptar, tue u
kthye nga Berlini ndalon në Podgoricë, ku, takon Cafo Beg Ulqinin edhe
Ky Rregjent, i cili, e fton me u strehue në miqtë e Tij në Ulqin, për
mos me ra në dorë të komunistave, ndonse, kur takoi gjeneralin gjerman
që sapo kishte lanë Shqipninë, edhe ai e ftoi me shkue me forcat
gjermane, por At Antoni, i kerkoi atij largimin nga Shqipnia me 29
Nandor e, jo, me 28 dhe, pranoi me andje vdekjen e dhunëshme të
komunistave në Tokën Shqiptare por, jo, ate, me kunora e fjalime jashta
Shqipnisë Nanë...
1945. I pari Klerik Katolik Shqiptar që pushkatohet nga komunistët asht
Don Lazer Shantoja, që torturohet në mënyrë shtazore nga sigurimi i
shtetit komunist shqiptar, tue i sharrue kambët me sharrë druevari. U
pushkatue me 5 Mars, bashkë me Atdhetarin Sulçe Beg Bushati.
1945, 25 Mars, ora 5 e mengjezit...Pushkatohet Prek Cali me grupin e
Atdhetarve të Malësisë e, bashkë me Te edhe Don Ndre Zadeja, autor i
pavdekshëm i “Rubës së Kuqe”...
1945. Plot 65 vjet ma parë, Ndue Pali para pushkatimit në Zallin e
Kirit, i lidhun përdore me Caf Metin, ka deklarue simbas proces
verbalit të mbajtun nga terroristi Aranit Çela:
“Proçes- verbal. I mbajtun mbi vullnetin e mbramë të të dënuarve me vdekje,
Ndue Mirash Pali dhe Caf Meti, nga Shkodra.
Sot më 15 gusht 1945, ditën e mërkure, ora 5.00 para drekë, unë
prokuror i Gjykatës Ushtarake, kapiten i II Aranit Çela, shkova në
vendin ku do të ekzekutoheshin kriminelët e luftës dhe armiqtë e
popullit, Ndue Pali dhe Caf Meti nga Shkodra, për të marrë fjalën e
fundit të tyre, në të cilën thanë këto: Ndue Pali: Nuk më vjen keq, që
unë sot pushkatohem prej vllazënve të mij. Jam i lumtun që unë po vdes
në tokën shqiptare pas pesë vjet vuejtjesh që pata nga fashistët dhe
nazistët.
Shqipnia rron edhe pa Ndue Palin!
Një fjalë dua t’ja drejtoj rinisë nacionaliste: Punoni deri në vdekje
për një Shqipni të lirë, indipëndente, me baza shoqnore moderne
demokratike!
Rrnoftë Shqipnia e shqiptarëve!
Të fala familjes. Prokuror (Aranit Çela) d.v.”
1945, Maji. Asht seminaristi Mark Çuni, që i tregon Evropës, se në
Shqipni, nuk ka zgjedhje të lira dhe demokratike dhe, për pasojë zbulon
fëtyrën terroriste të Pushtetit shitun tek Jugosllavia e Titos, tue
pranue burrnisht se ka punue për një Shqipni të lirë e demokratike.
1945, Organizata e Parë antikomuniste “Bashkimi Shqiptar” e thëmelueme
nga Mark Çuni, në përbamjen e Saj ka edhe elementa besnikë muslimanë si
Myfit Q. Bushati etj.
1946. Studentja Drita Sokoli ua përplasë ndër sy komunistave: “Turp për
ju, se, as në Mesjetë nuk janë pështy të burgosunit rrugave si
tashti!..” pikërisht, për Klerikët Katolik At Fausti, Dajani e Shllaku
që komunistët “katolik” i pështynin tek Kafja e Madhe në Shkoder.
Pra, simbas jush Këta shkodranë, nuk janë Shqiptarë Atdhetarë, pse janë muslimanë?
1946. Mbytet në tortura në hetuesinë e Shkodres, Av. Muzafer Pipa, nga
Libohova, prej torturuesve komunistë Zoji Themeli e Vaskë Koleci, vetëm
pse guxon me mbrojtë në gjyq Françeskanin e pafajshëm, dijetarin dhe
filozofin At Gjon Shllaku OFM...
1946 Profetsia e At Anton Harapit OFM.,: “Shqipnia u fitue me gjak; me
gjak dhe po mbahët e robnueme. Do të vijë dita e me Paqë e Drejtësi do
të fitohët”.
1946 Hafiz Ibrahim Dalliu, afër të 80-tave, dënohët mbasi deklaron në
hetuesinë e Tiranës: “... Kam dëgjuar ndër stacionet e Amerikës dhe të
Londrës lajmet anglisht, mbasi dëshroja që ata të zbarkonin në Shqipëri
... Ne nuk kemi asnjë lidhje me Lindjën, as të afërme dhe as të largët.
Nga turqit ne kemi marrë vetëm besimin. Për tjera nuk ka çka na duhët
Anadolli... Shqipëria është shtet që i përket vetëm Evropës. Me Evropën
na lidhë pozita gjeografike, mardhanjet shtetrore, ato kulturore e të
gjitha tjerat që vijnë pas, për një jetë më të mirë dhe të begatëshme
të popullit tonë ...” (Dosja hetimore. Arkivi i Min. Mbrend. 1998).
1947. Organizata e studentave të Gjimnazit Shtetit Shkoder, në muejn
gusht 1948 vriten trathtisht në kufi, në fshatin Samrish, Bardhosh
Dani, Mark Cacaj e Brahim Derguti.
1947 Drita Kosturi...në hetuesinë e burgut të Kishës së Fretënve, quhet
nga At Palë Dodaj, “motra e Fretënve” për shërbimin e Saj ndaj tyne,
kur i kthenin ne qeli pandjenja...
1947 Arrestohet në Tiranë Friada Sadetini...kalon gjithë jetën burgjesh
e ndër kampe të internimit, deri në vitin 1992, vetëm pse nuk deponon
ndër gjyqe kundër Klerit Katolik...
1948 Dr. Papavrami, më shpjegonte në vitin 1993 se, atëditë më 11 mars
1948, i thirrun si mjek ligjor, “...rreth orës 04.30 të mëngjezit kur
po i lidhnin në Zallin e Kirit për me i pushkatuar, në mes të At Matisë
dhe At Çiprianit ishte ingj. Fahri Rusi, 28 vjeç. At Matia, i thotë
Fahriut: “Fahri, je më i riu, qëndro si burrat dhe mos i turpëro të
Parët e familjes sate!” - Fahriu i përgjigjet: “Nuk besoj se kush nga
fisi em ka pasë këtë fat, me dhanë jetën mjedis dy shejtënve, për çfarë
me u tremb?”
1947 – 48: E pyetën Hafiz Dërgutin, se cila asht arësyeja që e
torturonin aq shumë, Ai i përgjigjet: “Më kërkojnë dëshmi për priftën,
kërkojnë me na përça, e nesër me thanë se, u pushkatuen priftnit me
dëshmitë e rreme të hoxhallarëve. I kam thanë, bani çka të dueni se
këtë punë nuk e baj kurrë pasha Allahun!”...
10 Maji 1959 – Tetor 1991, Don Dede Malaj i pushkatuem brinjë Liqenit
të Shkodres, ruhet në kopështin e një muslimani deri ditën e
rivarrosjes së Eshtnave në Suka të Dajçit.
1967 Bedrije Ashikja interrnohet se nuk pranon me akuzue Imz. Ernesto Çobën....
1985, Prill, Ramiz Alia kur ka ngordhë mësuesi i tij Enver Hoxha (e,
ndoshta, dishka ma shumë ...), Ramiz Alia ka ardhë në Shkodër mbas
10-12 ditësh dhe ka ba një mbledhje “sekrete” në Komitetin e Partisë
së Rrethit, me 7 sekretarë Partie të ndërmarrjëve. Aty ka porositë: “…
Shoku Enver na la... duhet të jemi më vigjilentë se kurrë mbasi armiqtë
e Partisë do të punojnë për të prishë unitetin tonë. Ata në këtë kohe,
si gjithënjë, do të kërkojnë për të gjetur mundësinë për të realizuar
qëllimet e tyre të këqija ndaj Partisë... Prandaj, të jemi shumë
vigjilentë sidomos, me pjesën katolike, e cila nuk e ka dashur kurrë
Partinë. Ata në këtë situatë kanë për të kërkuar për të përfituar për
të përçarë këtë unitet të Partisë sonë ... por, kudo që të vëreni një
çfaqje të vogël, mos prisni por sinjalizoni Partinë, veni prangat dhe
jepni plumbin ballit!... ” (Prill 1985).
Pa kalue 10 orë nga dhanja e kësaj porosie, ajo ra në veshin tem nga
njeni prej të shtatëve që ishte kenë në atë mbledhje. Pra, ky ishte
Mysliman (KE), po, sidukët më donte mue ma shumë se Partinë dhe
Ramizin!... Kishte harrue i shkreti Ramiz, se në Shkodër kishin lindë e
vdekë bashkë: Ndue Pali e Caf Meta, Paulin Pali e Muzafer Pipa, Kol
Prela e Qemal Draçini, Bardhosh Dani e Mark Cacaj e, sa e sa SHKODRANË,
vëllazën të vërtetë, që derdhën gjakun bashkë për truellin shqiptar.
1990, 11 Nandor, ora 10.45 Të gjithë drejtë vorrëve të Rëmajit... të
gjithë të zhytun ndër mendime... të gjithë të duket se me vedi thonë
Punën e Pendimit, asnjeni nuk din a këthehët në shtëpi... të gjithë me
fëmijë e pleq përdore, të gjithë përshëndetën njeni me tjetrin, të
gjithë janë SHQIPTARË, padallim Feje ... Të gjithë drejt vendit të
Ringjalljës së Përjetëshme... Një grup i madh myslimanësh asht vendosë
mburojë tek dera e vorrëve. Njeni më tregon se, na do të qëndrojmë
këtu, mbasi po kje se ndodhë gja, na do të përdorim armët që kemi në
trup... Ju, rrini të qetë ashtu si jeni me fëmijë e familjet
tueja!..Sot jemi na këtu! Ndër katët e nalta të apartamentëve shihet
ndonjë tytë automatiku e drejtueme nga na...vagonat në Zallin e Kirit
ishin plot me sampista...
1991. Një mik dhe vëlla Musliman i quejtun Mit-hat Myftia, banues pranë
Xhamisë së Plumbit në Ajasem, më ftoi me shkue në shtëpinë e Tij.
Shkova dhe më tregoi një arkë me libra “Kurani” të ardhun nga Egjipti.
Më tregoi Ai një rresht të shkruem në faqe të parë kundër ne
katolikve...nga përkthyesi në gjuhën shqipe. Unë u habita! E pyeta
Mit-hatin: Si shpjegohet kjo? Ai nuk dinte fare si asht shkrue ashtu
por, më tha: “Pyeta Hafiz Sabri Koçin dhe, ai më tha, që ke me i shkye
të gjitha fletët e para, mbasi ne Shqiptarët jemi vëllazen me
katolikët. Ne jemi këtu në Shqipni dhe jo në Egjipt!” Dhe, Mit-hati i
kishte shkye të gjitha ato fletë.
As ky veprim nuk asht i një Muslimani Atdhetar e Shqiptar i vërtetë?
Dhe, ja, si shkruen përsonalisht për ju, 86 vjet ma përpara “injoranti”
Don Lazër Shantoja në fletorën “Ora e Maleve”, me 22 Nandor 1924, në
artikullin “Nëvoja e kulturës në popull”: “Ata që kërkojnë shkuemjen
mbrapa, përçamjen dhe shkatrrimin e tipareve të qytetnimit, ata punojnë
për asorbimin e Shqipnisë nga vendet fqinjë.”
At Pjetër Meshkalla më ka thanë “Kleri Katolik Shqiptar asht kleri ma
heroik që ka me përcaktue historia në rrugën dymijëvjeçare të Krishtit,
sëpse, mbas pesëqind vjetë robnije nën Turqi, po të merrët historikisht
prej vitit 1912 kur Shqipnia u formue si shtet e deri më 1944, që këtu
erdhën në fuqi komunistët, tue lanë me një anë okupacionin fashist
italian (me të cilin nuk jam pajtue kurrsesi), janë vetëm 30 vjetë
mundësi për me formue një kler shqiptar e, për 30 vjetë me nxjerrë aq
heronj sa kemi nxjerrë na, nuk ka asnjë kler në botë.”
Ju shkrueni tue shtrembnue faktin, mbasi At Mëshkalla nuk ishte thirrë
për fjalim por, për me u arrestue. Ja fjalët tueja dhe shkrimi i em nga
origjinali me shkronja të forta:
“Sipas librit të Fritz Radovanit, Nje Monument nen Dhé, faqe 303, At
Pjetër Mëshkalla në një fjalim mbajtur me 29 Prill 1967 në Institutin
Pedagogjik të Shkodres, shprehët kështu :
«[...] Unë jam Katolik dhe besoj në Zotin! Po më vjen mirë, që po më
nepët rasa me folë prej një vendi, ku kam mundësi me iu drejtue
popullit tem që më ka nderue, më ka respektue, më ka ndigjue fjalën
teme dhe më ka pritë e përcjellë në shtëpijat e veta, me dashni të
madhe. Qëllimi i em ka kenë gjithmonë i mirë... me predikue fjalën e
Krishtit dhe dashninë ndërmjet të të gjithë njerëzve, të të gjithë
njerëzve pa dallim Feje!... Këtë kam folë në të gjitha shtëpijat ku kam
shkue ndër Katolikë dhe Myslimanë, mbasi jemi vëllazën dhe besojme në
nji Zot, jemi të nji gjaku, sëpse jemi të gjithë Shqiptarë...» dhe,
vazhdon fjalën:
........ Shqiptarë... Ka shumë njerëz që kërkojnë me na shkatrrue, me
na përça, me zhdukë traditën, me prishë besimin, me mohue Krijuesin
tonë, me rritë nji rini sërvile e hipokrite, që nesër nuk do të ju
durojnë ma, do të ju shporrin qafët e, njëditë ka me ju hangër kryet...
Ka këtu në sallë që nuk lanë gja pa shpifë kundër nesh edhe pse me të
gjitha forcat kemi punue për Shqipni...Unë po ju tham këtu, Populli
nuk asht dakord me shka jeni tue ba ju, ai ka besue dhe do të vazhdojnë
me besue në Zotin edhe pa Kisha e Xhamija... Ky veprim që bani ju sot
asht vetëm turp para Zotit e para Popullit, asht turpi i juej para
gjithë vendëve të Evropës, mbasi kjo që bani ju sot bahët në pragun e
500 vjetorit të vdekjës së Heroit tonë Kombëtar, Gjergj Kastriotit-
Skënderbeut, Mbrojtësit të Krishtënimit! Vetëm këtë mendoni, shka do të
thonë Evropa nesër për ju!
Ajo e njeh Popullin Shqiptar dhe e din se ka 2000 vjet që ndjekë Fenë e Krishtit”
Pa mbarue mirë fjalën, xhelati Xheudet Miloti e kapë për krahu, i ven
prangat, del nga salla dhe kur i afrohët gjipsit të Sigurimit, i bie me
shtjelm dhe e shtynë për me e futë mbrendë ...
...[..]Fjala e fundit e At Meshkallës në gjyq ishte: “Po të shprehin
mendimet e tyne (njerëzit), ky pushtet nuk ka për të zgjatë shumë. Ju,
më dënoni sa të dueni mbasi mue nuk keni shka më bani. Unë, prap se
prap do të dal, sepse, ju, shpejt keni me mbarue, mbasi shoshojnë keni
me hangër e aty asht fundi i juej! Feja e Krishtit nuk mbaron kurrë!
(19 korrik 1967).” (Nga libri “Një Monument nën dhe” F.Radovani, 2004).
Kush tjetër në krejtë Lindjen komuniste i ka thanë këto fjalë botnisht..?
Ja dhe mendimi i juej denigrues për Martirin At Pjetër Mëshkalla S.J.:
“Myslimanët nuk besojnë në Zotin tonë Jezu-Krishtin, Birin e Zotit,
Përsonen e Dytë Hyjnore të Shenjterueshmës Trini, i Cili për shelbimin
e mekatëve tona zbriti nga Qielli dhe mori Natyrën njerzore duke u bërë
në të njejtën kohë Zot dhe Njeri. Si mund të thojë At Mëshkalla se
katolikët dhe myslimanët besojnë në një Zot?”
Përgjigjën do ta jap nga teksti i përshëndetjes së Papës Gjon Pali II,
drejtue Popullit Shqiptar, në sheshin Skenderbeg të Tiranës, 25 Prill
1993:
“Zotni President,...Vëllazën e Motra shqiptarë!...(përforcimet janë të mijat FR)
...Erdha në mes jush për me përmbushë misionin tem si Pasardhës i apostullit Pjetër në sherbim të Kishës Universale...
...Kam ardhë këtu për me ju shpreh nderimin tem vëllaznor edhe
komunitetëve të ndryshme fetare, të cilat bashjetojnë këtu prej
shekujsh: Komunitetit Kristjan Ortodoks dhe Komunitetit Musliman, të
cilve u sjelli një përshëndetje të përzemert.
Kam ardhë me i shfaqë çdo shqiptari admirimin dhe mbështetjen në këte
fazë delikate të kalimit historik dhe të shumë dishruemes ringjallje
shoqnore dhe shpirtnore.
Të dashtun Vëllazen e Motra! Sa herë në të kaluemen ju asht dashtë ta
mbroni me forcë identitetin tuej. Me një angazhim të tillë, sikur edhe
vetë ky shesh na e kujton, u shque figura e lartë e të krishtenit
Gjergj Kastrioti Skenderbeut, i respektuem nga Papët e Romës dhe
përjetësisht i gjallë në kujtimin e popullit shqiptar.
Ju keni vuejt për Kombin Tuej. Prandej, dhe keni të drejtë ta doni aq
shumë. Populli i juej kaloi një tragjedi vërtetë tronditëse nën
shtypjen komuniste.
Ishte vërtetë i tmershëm përftyrimi i jetës njerëzore nën rregjimet
totalitare... A ka gja ma të randë se mbyllja e Tempujve të çdo besimi
dhe a nuk u dënuen deri me vdekje priftnit vetëm pse guxuen të
ushtronin ritët fetare? A nuk u përsekutuen besimtarët tue u burgosë,
ose tue u fye në të gjitha mënyrat?
Në vendin tuej...Kje një luftë e ashpër kundër fesë, simbas një vije
dogmatike e një programi shoqnor e politik, të mbështetun nga
ideologjia komuniste...
Ajo që ka ngja në Shqipni, Vëllazën e Motra s’ ishte pa kurr në
historinë e njerëzimit. ..Kurse, këtu, shteti asht përpjekë të shuej
çdo shprehje fetare në emen të një ateizmi radikal të mbështetun në një
sistem universal dhe përgjithësues....
Siç na mëson edhe feja, nëse kemi një Krijues të përbashkët, që të
gjithë jemi vëllazën. Kështu që feja asht Kështjellë mbrojtëse kundër
totalitarizmit dhe një kontribut vendimtar për një vëllaznim human.
Liria e vërtetë fetare i shpëton ngacmimeve të intolerancës dhe të
sektarizmit dhe ofron mënyra dialogu të respektueshëm dhe konstruktiv.
Populli Shqiptar, - dhe po më pelqen që po e kujtoj këte çast, - asht
për tu marrë si shembull në këte pikpamje. Që të tre Komunitetët fetare
mbajnë një raport respekti reciprok e të një bashpunimi të njerëzishëm.
Qendroni në këte pikpamje Vëllazen e Motra të dashtuna! Ju do të keni
merita për solidaritetin dhe për paqen në Atdheun tuej dhe në krejt
zonën e shumëvuejtun të Ballkanit. Këtu, ju, mund të ndertoni një
bashkim kombëtar të urtë dhe të qendrueshëm. Megjiate, dashnia për
Atdheun, të cilën ju e ndieni të fortë në këta çaste, nuk duhet të
degjenerojë në nacionalizmin intolerant dhe agresiv që sot e kësaj
ditë, po shkakton viktima dhe po ndezë urrejtje të papërmbajyuna në
vende të ndryshme të botës, madje dhe jo fort larg nga këtu.
Përkundrazi, u shtoftë gjithnjë e ma shumë harmonia në bashjetesën tuej...
Shqipni, qendro në lartësinë e kësaj beteje të madhe! Rruga që do të
bash nuk asht aq e lehtë. Ende ka plagë të pambylluna. E kaluemja le të
shërbejë si mësim, por kurr mos të të shtyjnë në hakmarrje mllefesh.
Tashti asht koha me shkue me besim drejtë s’ ardhmes...
Le t’ ushqejë guximin tand feja e besimtarve të tu në një Zot të vetëm,
të Cilit së bashku me çdo njeri vullnetmirë, do ti përkushtohën
sherbimit ndaj drejtësisë dhe paqës...
Vëllazën e Motra Shqiptare fort të dashtun! Zoti e ruejt Atdheun Tuej.
Zoti e mbrojtë Popullin Shqiptar në mbarë Botën! Në Emen të Zotit Ju
përqafoj dhe Ju bekoj të gjithve!
Mirupafshim. Ju uroj me gjithë zemër : Gjithë të mirat!
(Buletini Katolik Shqiptar, Vol. XIV, 1993, faqe 171 – 173.)
Këto janë fjalët e Papës Gjon Pali II, Papës ma të madh që ka pasë
njerëzimi, sëpse me Kryq dhe Ungjillë ka shpartallue mbretninë
komuniste të djallit në tokë dhe ka Ringjallë Fenë Katolike në të
gjitha ata vende ku, dyert e ferrit kishin ndertue perden e hekurt të
sistemit ateist komunist, të cilën Ai, e rrëzoi me tri fjalë: “NON
ABBIATE PAURA!”, “MOS KENI FRIKË!”....
Melbourne, 21 Mars 2010.
+ + +
Pergjigja ime :
I nderuar z. Radovani,
Para ca ditesh, me 31 mars, kam marre nje mesazh nga nje person me
adrese elektronike : excelsiorexcelsiorexcelsior@gmail.com i cili me
kishte bashkengjitur nje shkrim tuajin mbi artikullin tim qe kam
postuar ne blogun Nena e Keshillit te Mire, se bashku me adresen tuaj
elektronike. Per rrjedhoje mendova t'ju nis dy rreshta
Them artikulli im, por ne te vertete une nuk kam asnje merite
mbasi ai nuk bazohet ne mendimet e mia personale. (shikoni ne
artikullin tim mbi injorancen fetare, fq. 1)
Qellimi kryesor i shkrimit te tij ka qene vetem lavdia e Zotit
tone Jezu-Krishtit, shpetimi i shpirterave dhe mbrojtja e te vertetave
te Fese shenjte Katolike, te verteta te mekembura dhe keqmesuara nga
"autoritetet" e sotme qe kane uzurpuar vendet me te larta ne hierarkine
e Kishes Katolike. Keto autoritete te sotme e quajne vehten si pjese e
Kishes Katolike, por kjo nuk mund te jete kurre e vertete, sepse keto
autoritete (te ashtuquajturit ipeshkvinje, prifterinj, etj) nuk mesojne
ate qe Kisha Katolike ka mesuar gjithmone ne magjisterin (mesimin) e
saj te pagabueshem mijeravjeçar. Duke mos bere nje gje te tille,
shpirtrat nuk njohin Fene e tyre te shenjte katolike dhe per rrjedhoje
jane ne rrezik te mallkohen perjete ne Ferr.
Ashtu siç e thote edhe Shen Pali, pa Fene Katolilke eshte e pamundur
t'i pelqesh Zotit, pra te shpetosh shpirtin. (shikoni artikullin tim ne
fq. 27)
Duke marre shtyse nga gabimet e renda fetare, anti-katolike qe
mesohen sot ne Shqiperi, kam hedhur nje veshtrim ne te kaluaren per te
gjetur rrenjet e kesaj mesimdhenje te gabuar dhe lajmeruar besimtaret e
vertete katolike qe duan te ruajne te paster Fene shenjte Katolike
ashtu siç na e meson Kisha Katolike.
Per kete gje, kam shrytezuar shume materiale teologjike, kryesisht
libra qe shrytezohen nga vete seminaristet ne pergatitjen e tyre per
marrjen e Urdherave te Shenjta, pra per t'u bere meshtare. Gjithashtu
jam bazuar kryesisht ne mesimin e pagabuar te Selise se Shenjte, pra te
Papeve gjate shekujve, mesim i cili ne anen dogmatike dhe morale eshte
i pandryshueshem. Ne artikull do te gjeni ne detaje te gjitha keto
referenca dhe do te kuptoni se as nuk kam shpikur, as interpretuar, e
as shtremberuar asgje. Keto referenca mund te verifikohen nga te gjithe.
Armiqte e Kishes Katolike, te cilet kane qene dhe jane kryesisht
hebrenjte, kane luftuar dhe persekutuar me nje urrejtje diabolike
Kishen Katolike qe ne fillimet e saja, dhe nuk kane pushuar se beri
kete gje ne te gjitha menyrat e mundshme : ne fillimet e Katolicizmit,
ky persekutim ka qene i pergjakshem (deri ne konvertimin e Perandorit
Konstantin) dhe me pas, ky persekutim ka qene edhe intelektual, pra me
anen e herezive, shizmave, dhe gabimeve te tjera teologjike me te cilat
ato (kryesisht hebrenjte) jane perpjekur te korruptojne, shtremberojne
dhe zhdukin Kishen Katolike dhe mesimin e saj hyjnor, sepse zeri i
Kishes Katolike eshte zeri i vete Zotit tone Jezu-Krishtit ne bote
(shiko ne faqen 20). Por armiqte e Kishes Katolike e kane humbur luften
qe ne fillim, mbasi Kisha Katolike ka premtin hyjnor nga Krishti Zot qe
ajo do qendroje deri ne fundin e botes, pavaresisht nga egersia apo
urrejtja e sulmeve te armiqve te saj.
Kisha Katolike, apo Papa qe eshte ne krye te saj, nuk mund te
mesoje kurre herezi, dhe te ndryshoje mesimin e saj ne lidhje me dogmat
e Fese katolike dhe te moralit. Kjo e vertete eshte besuar dhe mesuar
gjithmone nga te gjithe Papet qe nga Shen Pjetri dhe se fundmi, eshte
percaktuar ("verità definita") edhe njehere ne menyre perfundimtare nga
Papa Pio IX ne Koncilin e Vatikanit ne 1870. Per kete gje, ju ftoj te
lexoni artikullin tim nga faqja 18 e me poshte, ku kam dhene shume
shembuj per te mbeshtetur keto te verteta.
Ne artikullin tim kam cituar vetem disa referenca te teologjise
dogmatike, morale dhe kanonike, por mund t'ju jap shume e shume
referenca te tjera ne qofte se jeni i interesuar.
Mbas 1958 e deri ne ditet tona, ato qe kane pushtuar Vatikanin, Gjoni XXIII, Pali VI, Gjon-Pali II, Benedikti XVI, kane mesuar
dhe mesojne kunder asaj qe Kisha Katolike ka mesuar ne shekuj. Kjo
eshte e lehte te shihet ne qofte se behet nje krahasim i doktrines se
Kishes para 1958, dhe asaj pas 1958 : Pas 1958, mesohet e kunderta e
asaj qe eshte mesuar para 1958 kryesisht kunder dogmave te Fese
Katolike dhe moralit : ekumenizmi, kolegjializmi, liria e ndergjegjes
ose liria fetare, mardheniet e Fese Katolike me besimet e tjera te
rreme, ndryshimi i formimit te prifterinjve, ndryshimi i liturgjise
(ndryshimi i Meshes, Sakramenteve, etj), mesime keto qe jane denuar nga
te gjithe Pontifet para Vatikanit II, pra para 1958. Ne qofte se ne Shqiperi komunistet kane djegur dhe zhdukur librari te
tera te mesimit te Kishes Katolike para vitit 1958, jashte Shqiperise
kjo literature mund te gjendet kollaj nga ato qe kerkojne Zotin tone
Jezu-Krishtin dhe te verteten.
E pra, nje prej mesimeve te pagabueshme te Kishes Katolike eshte
se sekti islamik ashtu si dhe besimet e tjera te rreme vijne nga
Djalli. Vetem Feja Katolike eshte Feja e vertete. Per te shpetuar
shpirtin duhet qene patjeter pjese e Kishes Katolike me ane te
Pagezimit. Ky nuk eshte mendimi im, por eshte mesimi i Kishes Katolike.
(shikoni shembujt ne artikullin tim nga faqja 10 e deri ne fund).
Te thuash se te gjithe besojne ne nje Zot, katolike e myslimane,
eshte nje herezi, mekati me i rende kunder Fese dhe Urdherimit te Pare
te Zotit. Kjo herezi mesohet sot ne Shqiperi (per kete jemi te gjithe
deshmitare), eshte mesuar nga klerike shqiptare para komunizmit, eshte
mesuar biles qe rreth vitet 1600-1700 (shikoni artikullin tim ne fq. 24
e me poshte). Po e perseris se nuk kam ndryshuar e as shtremberuar
asgje nga provat qe kam gjetur; jane vete Papet e Kishes Katolike qe
flasin. Ju mund t'i kontrolloni vete keto prova : referencat jane te
shkruara ne artikull.
Persa i perket citimeve nga veprat e At Fishtes, At Meshkalles, At
Harapit etj, ato i kam marre nga Albanovaonline.info jo per ti
interpretuar sipas mendimit tim, por per ti krahasuar me mesimet e
Kishes Katolike dhe per te treguar se ato i bien ndesh ne disa vende
mesimeve te Kishes Katolike. Shen Pali meson qarte se ka vetem 1 Fé, 1
Pagezim per shelbimin e shpirtit : Feja shenjte Katolike (shikoni art.
ne faqe 22). Ato qe vazhdojne te perkrahin sektin mysliman, qofte edhe
per arsye patriotike, bejne mekat te rende dhe i pergatisin vehtes nje
vend ne Ferr. Ne rradhe te pare katoliket shqiptare duhet te jene
katolike, pastaj shqiptare, dhe jo e kunderta. Urdherimi i Pare i Zotit
urdheron katolikun te duaje Zotin mbi gjithçka : mbi vendin, mbi
familjen, etj.
Vete At Gjergj Fishta ne Konferencen e Parisit ne 1919 e pohon tragjedine e shqiptarit :
« Për lirinë e vet, zotni, shqiptari ban fli shpinë, tokën dhe mjerisht edhe besimin ».
Dhe mendimi im eshte se kjo tragjedi, pra venja e lirise dhe
flamurit shqiptar mbi Kryqin e Krishtit Zot, eshte arsyeja kryesore e
mallkimit qe qendron mbi token shqiptare dhe mbi ato qe vazhdojne te
vene flamurin kombetar mbi Kryqin Shenjte.
Kjo shihet qarte edhe ne nje prej lutjeve te Shen Agustinit,
doktorit me te madh qe ka pasur Kisha Katolike : « [...] qui non amat
te, anathema sit... » (Kush nuk ju don, o Zot, qofte mallkuar). Te
duash Zotin do te thote te mbash Urdherimet e Tija, duke filluar nga
Urdherimi i Pare. Keto ishin edhe porosite e vete Zotit tone
Jezu-Krishtit dhene apostujve te Tij mbas Darkes se Fundit, te Enjten e
Madhe : «[...] si diligitis me mandata mea servate » (Ne qofte se me
doni, mbani Urdherimet e Mija. Gjoni 14:15).
Per sa kohe qe shqiptari do vazhdoje "te doje" Zotin sipas mendjes se
tij, dhe jo sipas porosive te Zotit, mallkimi do vazhdoje te qendroje
mbi koken e tij.
Me kuptoni drejte, nuk jam kunder pavaresise territoriale te nje vendi,
mbasi vete Papa Benedikti XV e perkrahe kete lloj pavaresie, ashtu siç
do e lexoni me poshte. Jo, por them qe Zoti duhet te vihet para
pavaresise se vendit.
Ne artikull kam shkruar pa asnje lloj urrejtje dhe pa asnje
mendimi te keq per njeri. Nuk me takon mua te gjykoj apo fyej askend
sepse vetem Zoti njeh zemrat e njerzve. Ne artikull kam krahasuar ate
qe Kisha Katolike meson ne menyre te pagabueshme me gabimet qe nje
pjese e klerit katolik shqiptar (e jo te gjithe) ka mesuar ne vite
(shikoni ne artikull fundin e faqes 22).
Siç shkrova me siper, materialin e ketyre gabime te disa meshtareve
shqiptare e kam marre kryesisht nga Albanovaonline.info, nga incikliku
i Papes Benedikti XIV kunder abuzimeve fetare ne Shqiperi (http://www.papalencyclicals.net/Ben14/b14quod.htm), nga Relacioni i Imzot Frang Bardhit (http://puka.shqiperia.com/index/artikull/artID/31/titulli/Relacioni%20i%20Frang%20Bardhit%20n%C3%AB%20krahin%C3%ABn%20e%20Puk%C3%ABs%20-%20qershor%201637), etj, ne perpjekje per te shpjeguar herezite (gabimet e renda fetare) qe mesohen sot ne Shqiperi.
Ja si kam shkruar ne artikull :
« [...] Para se te vazhdoj me tutje po bej nje sqarim.
Meshtaret e vertete katolike duhet te nderohen dhe te respektohen
sepse ata jane te shunguruar, kane shenjen e Sakramentit te Urdherit ne
shpirtrat e tyre qe asnje besimtar laik nuk e ka, dhe i jane kushtuar
Zotit perjetesisht ne nje menyre krejt te veçante. Prandaj eshte e
vertete shprehja se meshtari eshte nje Krisht tjeter, sepse si Krishti,
edhe ai i ofron Zotit Sakrificen e Meshes Shenjte, qe eshte vete Zoti
jone Jezu-Krisht, Zot e Njeri bashke prezent ne Hosten Shenjte.
Por nga ana tjeter, ne qofte se besimtari katolik zbulon ndonje
gabim, mekat, apo edhe herezi ne predikimet apo veprimtarine e tyre
meshtarake, atehere ai e ka per detyre te flase (te shkruaj, te
publikoje, etj.) jo kunder personave te caktuar, por kunder gabimit apo
mekatit qe keta persona perhapin.
Besimtari katolik duhet ta beje kete gje per hir te dashurise per
Zotin dhe per te afermin, duke shmangur keshtu skandalin qe rrezikon te
korruptoje edhe besimtaret e tjere. Ai e ka per detyre te lajmeroje
autoritet e larta te Kishes katolike ne menyre qe ato te nderhyjne me
autoritetin qe Krisht Zot ia ka dhene asaj. Kjo eshte edhe praktika
konstante e Kishes katolike ne keto çeshtje. Jane lehjet e qenit ato qe
zgjojne bariun. Te njejten gje thote edhe don Félix Sarda y Salvany ne
librin e tij te mirenjohur e shume aktual Le Libéralisme est un péché
(Liberalizmi eshte mekat)... » (Injoranca fetare..., faqe 25)
Keto jane lehjet e qenit, pra thirrjet e besimtarit katolik per te
lajmeruar autoritet e Kishes Katolike per te nderhyre kunder gabimit
dhe jo lehje qeni kundra meshtareve siç shkruani ju.
Persa i perket sektit te Masonerise, ju keshilloj nje liber te
rralle (Complotto contro la Chiesa) mbi komplotin kunder Kishes
Katolike qe ju sygjeroj shume ta shkarkoni dhe lexoni ne lidhjen e
meposhtme :
http://vho.org/aaargh/fran/livres8/Pinit.pdf
(Nuk ju keshilloj te lexoni ne faqen e Internetit vho.org/aaargh,
per shkak te librave te tjere anti-katolike qe mund te gjenden aty).
Libri Complotto contro la Chiesa eshte ne italisht, dhe mendoj se mund
ta lexoni, mbasi kam vene re ne shkrimin tuaj disa shprehje tuaja ne
gjuhen italiane. Ne kete liber mendoj se do kuptoni mire kush jane
masonet, mbasi kam pershtypjen se nuk i njihni mire kur shkruani se ato
jane kunder klerit por jo kundra Fese.
Persa i perket citimit qe ju i beni Gjon-Palit II, mund t'ju
kujtoj se nje Pape nuk mund te kundershtoje kurre ate qe ka mesuar nje
Pape tjeter, e kjo veçanerisht ne dogmat e Fese dhe moralit, ashtu siç
shkrova me lart. Keshtu per shembull, eshte e pamundur qe nje Pape te
perkrahe sektin djallezor islamik apo te thoje se myslimanet besojne ne
nje Zot me katoliket. Lexoni ne artikullin tim ate qe Papet kane mesuar
kunder islamit, nga faqja 10 e me poshte. Mos harroni gjthashtu se ne
historine e Kishes Katolike permenden emrat e disa anti-Papeve, pra
Papeve te rreme. Psh. Gjoni XII dhe Benedikti IX kane qene dy anti-Pape
(Veprat e Mgr de Ségur, vellimi VI, faqe 198). Veprat e Mgr de Ségur,
qe ka qene prelat domestik i Papes Pio IX, kane qene te lavderuara
(aprovuara) pothuajse te gjitha nga vete Papa Pio IX.
Shpresoj te shkruaj se shpejti nje artikull mbi Gjon-Palin II dhe
herezite e mesuara prej tij, me prova te pakundershtuara te marra nga
burime publike te informacionit qe mund te verifikohen nga te gjithe.
Kur luftoj islamin si besim i rreme, nuk luftoj personat qe
mjerisht besojne ne kete sekt, por thjesht besimin islam si besim
djallezor. Katoliku duhet te lutet per myslimanet, dhe te gjithe
pjestaret e sekteve te tjera te rreme, me durim, butesi dhe shprese qe
nje dite Zoti t'i ndriçoje dhe t'i konvertoje ne Fene e vetme te
vertete, Fene Katolike.
Persa i perket anonimatit tim, kjo nuk ka asgje te re. Shume
autore shqiptare kane shkruar keshtu ne ne kaluaren. Illyricum Sacrum
eshte nje pseudonim i perdorur, nder te tjera, per te shmangur
persekucionin e mundshem prej agjentureve komuniste te perhapura sot
kudo ne bote, qe vishen me rroba qengji por zeri i tyre i ujkut i ben
te zbulueshem. Lekura e qengjit mbi supet e ujkut eshte nje taktike e
vjeter e armikut per te zbuluar dhe eleminuar rezistencen e mshehur. E
them kete fjale sepse per te luftuar armikun me sukses, se pari duhet
ta njohesh ate. Nuk i perkas as sigurimit komunist te shtetit e as nuk
jam komunist. Zoti me ruajte nga ai tmerr.
Persa i perket gjuhes se artikullit, kam shkruar ne toskerisht
sepe kam menduar, nder te tjera, se nje pjese e Veriut te Shqiperise do
kishte pasur veshtiresi ne leximin e artikullit tim ne gegerisht. A
mund te thuhet se kjo gjuhe eshte e keqe apo ajo gjuhe eshte e mire ?
Gjuha eshte thjesht nje mjet komunikimi qe mund te perdoret per mire
ose per keq.
Ne fillim dokumentet e Kishes Katolike kane qene ne greqisht, me pas
Kisha Katolike ka bere te sajen gjuhen latine. E pra kjo gjuhe ishte
perdorur perpara nga perandoret romake pagane per eleminimin dhe
zhdukjen e krishtereve. A mund te thuhet atehere se gjuha latine vjen
nga djalli? Patjeter qe jo.
Persa i perket shembullit qe merrni nga takimi i Papes Benedikti
XV me Imzot Luigj Bumçin, aty Papa nuk meson dhe nuk shprehet ne asgje
kunder asaj qe paraardhesit e tij kane mesuar, pra kunder Fese shenjte
Katolike, si e vetmja Fe e vertete. Papa i premton Imzot Bumçit vetem
se do te ndermjetesoje per te ndaluar copetimin e tokave shqiptare, por
ky veprim diplomatik nuk do te thote aspak as mbeshtetje te shtetit
shqiptar e as perkrahje te besimit te mallkuar islamik. Eshte e
pamundur qe Papa te mbeshtese nje shtet qe nuk bazohet ne Fene Katolike
apo te perkrahe islamin. Selia Shenjte nuk ka mbeshtetur kurre as
Qeverine e Vlores, as Qeverine e Durresit, as Qeverine e Zogut, e as
Qeverine e Nolit, sepse asnjera prej ketyre qeverive nuk ka pasur
ligjin e Kishes Katolike si baze te vetme te ligjeve te saja.
Ja si shprehet Papa Bendikti XV, ne letren e tij AD BEATISSIMI APOSTOLORUM, me 1 Nendor 1914 :
«[...] qe kur urdherimet dhe praktikat e Dijes Katolike nuk bejne
me pjese e qeverisjes se shteteve, pa dyshim vete bazat e ketyre
shteteve kane filluar te lekunden » (paragrafi 5)
«[...] te nderuar vellezer, eshte e domosdoshme qe te luftohet me
te gjitha menyrat e mundshme ne menyre qe dashuria e Jezu-Krishtit te
jete edhe nje here ligji suprem i te gjithe njerezve. Ky do te jete
gjithmone qellimi yne dhe i Pontifikates sone » (paragrafi 8)
«[...] Udheheqesit e shteteve duhet ta kuptojne nese eshte e
drejte te ndash Fene e Shenjte te Jezu-Krishtit, mesimin e Ungjillit
dhe te Kishes Katolike nga qeverisja e vendit dhe edukimi publik i te
rinjve. Experienca te tilla tragjike deshmojne se autoriteti njerzor
deshton kur Feja Katolike harrohet dhe lihet me nje ane » (paragrafi 11)
(
http://www.papalencyclicals.net/Ben15/b15adbea.htm).
I njejti Pape ne letren e tij, PACEM, DEI MUNUS PULCHERRIMUM, me 23 Maj 1920, shkruan keshtu :
« [...] Vellezer te nderuar, do te deshironim qe te gjitha shtetet
te bashkoheshin ne nje lloj familje njerzore, duke ruajtur secili
pavaresine e vet dhe rendin e shoqerise. .... Keshtu çdo kombi do t'i
sigurohej pavaresia dhe integriteti i kufijve te territorit te vet ne
nje menyre te drejte » (paragrafi 17).
Kjo eshte edhe ajo çfare Papa Bendikti XV i ka premtuar Imzot Luigj
Bumçit : integritetin e kufijve dhe asgje me shume; as mbeshtetje te
shtetit shqiptar jo-katolik te asaj kohe dhe as perkrahje te besimit te
mallkuar islamik te nje pjese te popullsise shqiptare.
Ja edhe si e sqaron kete gje Papa ne kete leter pontifikale, ne paragrafin 18 :
« [...] Kisha Katolike nuk do t'ia refuzoje kurre ndihmen e saj te zellshme shteteve te bashkuara nen ligjin e Krishtere »
(
http://www.papalencyclicals.net/Ben15/b15pulch.htm).
Ja si jane shprehur edhe disa Pape te tjere mbi shtetin dhe Fene Katolike :
« Les institutions humaines, publiques ou privées, doivent servir le Christ » (Pie XI, Quas Primas : 19)
(Institucionet njerzore, publike [shteti] ose private duhet te sherbejne Krishtin. Papa Pius XI)
«Les Chrétiens sont un dans la Foi et le Gouvernement » (Pie XII, Denzinger 2286)
(Katoliket jane nje ne Fé dhe qeveri. Papa Pius XII, Denzinger 2286)
«L’autorité civile doit être soumise à l’autorité de l’Église. Boniface VIII, D. 469 »
(Autoritetet civile duhet t'i nenshtrohen autoritetit te Kishes. Papa Bonifaci VIII, Denzinger : 469)
«Nous ne pouvons construire que sur la base de la Foi Catholique » (Clément V, Décrétales des Conciles Oecuméniques : 360)
(Ne mund te ndertojme vetem mbi bazen e Fese Katolike. Papa Klementi V, Dekretale te Koncileve Ekumenike : 360)
Papa Pius IX shkruan se shteti duhet te ndaloje apo t'i deklaroje te paligjshme besimet jokatolike.
« L’État doit interdire les religions non Catholiques. Pius IX, Denzinger : 1777, 1778 »
Gjithashtu ne dokumentin Syllabus, ne propozimin e 77-te, Papa
Pius IX denon shprehjen se ne kohen tone nuk ka me interes qe Feja
Katolike te konsidrohet si feja e vetme e shtetit ne menyre ekskluzive
prej te gjithe besimeve te tjera.
Ne letren e tij, "Immortale Dei", Papa Leon XIII, ne lidhje me kete
indiference te shtetit ne çeshtjet fetare shkruan se persa i perket
fese, te qenurit indiferent mbi fene qe shteti do te zgjedhe eshte
njesoj sikur shteti te mos zgjedhe dhe te mos ndjeke asnje lloj besimi.
Ky veprim eshte ateizem edhe pse nuk i vihet emri i tille... Pra eshte
e ndaluar te ndiqet kjo politike; dhe te vihen para syve te njerzve ato
gjera qe bien ndesh me virtytin dhe te verteten, aq me teper kur keto
abuzime mbrohen edhe me ligj.
Ne letren e tij papnore, Mirari Vos, Papa Gregori XVI e quan çmenduri thenjen e meposhtme :
« Liria e ndergjegjes dhe e besimeve eshte nje e drejte e çdo
njeriu. Kjo e drejte duhet te shpallet dhe te mbrohet me ligj ne çdo
shoqeri te mire organizuar. Qytetaret kane liri te plote te
manifestojne me ze te larte e publikisht opinionet e tyre, cilatdo
qofshin ato, me ane te fjales, te shtypit e te çdo lloj mjeti tjeter pa
u kundershtruar dhe kufizuar ne kete gje as nga autoritetet civile e as
nga ato fetare ».
Papa Pius VII, ne letren e tij papnore, "Post tam diuturnas",
shkruan se duke perkrahur lirine e te gjitha besimeve pa perjashtim,
ngaterrojme te verteten me genjeshtren dhe vendosim Kishen shenjte
Katolike, Nusen shenjte dhe te paperlyer te Krishtit, jashte te ciles
nuk ka shelbim, ne nje rang me sektet heretike dhe me judaizmin e
pabese. (Pie VII, Post tam diuturnas, 29-4-1814).
Ne letren "Quanta Cura" te Papes Pie IX, lexojme se thenja e
meposhtme eshte kunder mesimit te Bibles, te Kishes Katolike dhe te
Eterve te Kishes :
« Gjendja shoqerore me e mire per nje shoqeri eshte ajo ku shteti,
per hir te qetesise publike, nuk ndeshkon abuzimet apo devijimet e
ligjeve te Fese Katolike. » (Pie IX - Quanta Cura n° 5).
« Le droit à la liberté religieuse pour tous est une hérésie. Pie IX, Denzinger 1690-99 »
(E drejta e lirise se besimit per te gjithe eshte nje herezi. Papa Pie IX, Denzinger 1690-99)
« Dire :Toutes les religions sont vraies est une hérésie. Saint Pie X, P : 14 »
(Te thuash se te gjitha besimet jane te verteta eshte nje herezi. Papa Shenjti Pius X, P : 14)
«[...] Si quelqu'un dit qu'il peut se faire, sous l'influence du
progrès des sciences, qu'on donne un jour aux dogmes proposés par
l'Église, un autre sens que celui que leur a donné, et leur donne
l'Église elle-même, qu'il soit anathème. (Vatican Council, 1870, Cap.
IV, Can. 3.)
(Nese ndokush thote se nga influenca e zhvillimit te shkencave,
mesimeve te pandryshueshme te Kishes Katolike do t'u jepet ne te
ardhmen nje kuptim tjeter prej atij qe Kisha ia ka dhene apo ia jep
sot, atehere ai qofte mallkuar. Koncili i Vatikanit, 1870, Kapitulli 4,
Kanoni 3).
Ne letren papnore "Quas Primas", me rastin e festes te Krishtit
Mbret, Papa Pius XI, me 11 Dhjetor 1925, shkruan se do te ishte nje
gabim i rende sikur te thonim se Krishti nuk ka ndonje autoritet ne
problemet jofetare (politike, qeveritare, etj), sepse si rrjedhoje e
dominimit absolut qe Ai ka mbi te gjitha krijesat, çdo gje eshte nen
pushtetin e Tij.
Vetem atehere kur njerzit do te njohin Krishtin Mbret, jo vetem ne
jeten private por edhe ne jeten publike, shoqeria, me se fundi, do te
marre nga Zoti bekimet e medha te lirise se vertete, te rregullit, te
paqes dhe harmonise.
Se fundi, ju mund te me beni nje pyetje te drejte, qe e lexova qe ne fillim te shkrimit tuaj kunder artikullit tim.
« O Zot! Po, të lutem, mos e premto që Shkodra eme, me u kthye në një Beirut të dytë! »
Ju mund te me thoni : More zoteri, po si t'ia bejme ne tashti,
mbasi ne Shqiperi kemi nje pjese te popullsise katolike dhe nje pjese
myslimane e orthodoxe. T'i masakrojme myslimanet dhe orthodoxet nese
nuk duan te behen katolike ?
Kjo eshte edhe pyetja qe shpesh ia bej vehtes, sepse jam katolik
dhe gjak shqiptari, dhe nuk do deshiroja kurre te shihja shqiptaret te
masakroheshin me njeri-tjetrin.
Pergjigja ime eshte : Pa dyshim qe jo.
Feja shenjte
Katolike, ashtu siç e kam shkruar ne pjesen e pare te artikullit tim
"Evangjelizimi i shqiptareve dhe egersia islame", nuk eshte perhapur
kurre me dhune e shpate ne dore, si sekti i mallkuar islam.
Situata ne Shqiperi eshte delikate sepse kemi nje qeveri jo-katolike dhe nje popullsi te perzier, pra jo te gjithe katolike.
Per te ditur si duhet vepruar duhen marre si shembull shtetet katolike
dikur, e kam fjalen per mbreterite katolike, ne nje kohe kur Evropa ka
qene katolike.
Egzistojne dy mundesi :
1- kur shteti eshte katolik dhe popullsia e perzier (nje pjese katolike)
2- kur shteti eshte jo-katolik dhe popullsia eshte e perzier
Nuk ia vlen te shihet mundesia kur popullsia dhe shteti jane
katolik, e as kur vetem popullsia eshte katolike, sepse ne kete rast
shteti nuk ka rruge tjeter veçse te jete katolik, perndryshej ai nuk i
ka te gjata ditet e qevesisjes.
1- Per rastin e pare marr shembull Spanjen e 1492, me Mbretin
Ferdinand dhe Mbretereshen Elizabete. Feja e vetme e mbreterise ka qene
Feja Katolike, por si pasoje e pushtimit te meparshem te mureve (moors)
me fe islame, ne vend kishte popullsi te perzier. Mbreti ne bashkepunim
me Selin e Shenjte ka perdore te gjitha menyrat paqesore per t'i
konvertuar muret ne Fene Katolike. Por jo te gjithe jane konvertuar.
Mos te harroj ketu edhe hebrenjte e shumte qe kane qene ne ate kohe ne
Spanje qe nuk jane konvertuar, ose ndryshej kane bere sikur jane
konvertuar, duke thene ne publik se jane bere katolik, por duke
praktikuar ne mshehtesi fene izraelite.
Per ata qe nuk jane konvertuar dhe qe kane qene shtetas te qete,
pra qe i jane bindur ligjeve publike te mbreterise, keto individe jane
toleruar te qendrojne ne Spanje me shprese se nje dite do konvertohen.
Por nje pjese, kryesisht hebrenje, ka filluar te komplotojne kunder
mbreterise. Si rrjedhoje Mbreti nxori nje urdher qe ti deboje te gjithe
hebrenjte dhe muret nga Spanja, gje qe u zbatua. Pra ata qe nuk i
binden ligjeve te shtetit duhet te denohen, kjo eshte e qarte. Kjo
politike mund te ndiqej edhe ne Shqiperi, po te kishim nje qeveri
katolike.
2- Por mjerisht, ne kemi nje qeveri jo-katolike, pra qe nuk njeh
Fene Katolike si Fe te vetme te shtetit, dhe popullsia eshte mixe.
Ne kete rast, duhet vepruar si kane vepruar te Krishteret e pare, ne
perandorine romake, mes nje popullsie pagane dhe para nje perandori
pagan. Katoliket duhet t'i binden ligjeve te shtetit qe nuk
kundershtojne ligjet e Zotit dhe te Kishes Katolike. Katoliket duhet te
perpiqen te jetojne ne harmoni dhe te ndihmojne ku te jete e mundur
popullsine tjeter (myslimane, orthodoxe, etj) sipas ligjeve te
dashurise kristjane qe porosite te duajme edhe armikun per dashuri per
Zotin. Por kjo jetese jo-normale e katolikeve ne nje shtet jo-katolik
ne mes te nje popullsie jo-katolike, nuk i shfajeson kurre katoliket
prej praktikes se Fese Shenjte Katolike. Nje prej ketyre praktikave
eshte deklarimi i hapur dhe publik i Fese Katolike si e vetmja Fe e
vertete. Por situata mund te vije ashtu siç erdhi per katoliket e pare,
martyret e lavdishem te katakombeve qe nuk pranuan te adhurojne idolet
romake dhe deklaruan hapur pa frike se ata ishin katolike dhe se
njihnin vetem Zotin Jezu-Krisht, si te vetmin Zot te vertete. Ne qofte se kjo situate vjen atehere, katoliket duhet t'i kerkojne
Zotit force e durim per te perballuar martirizimin. E popullit shqiptar
nuk i mungojne martiret e vertete katolike, qe kane vdekur per Krishtin
Mbret ne rradhe te pare, dhe pastaj per Shqiperine e lire ne rradhe te
dyte.
Feja Shenjte dhe e lavdishme Katolike eshte themeluar ne Gjakun e
vete Zotit tone Jezu-Krishtit, ne gjakun e sa e sa Papeve dhe ne gjakun
e miliona martyreve te Fese, qe kane ditur te vene dashurine per Fene
Katolike gjithmone ne vend te pare, para dashurise per komb apo
familje, qe qendron ne vend te dyte.
Fjala Martir, ne greqisht do te thote Deshmitar. Ne gjuhen e
Kishes, ky emer filloi te perdoret qe ne kohet me te lashta per te
emeruar ato Katolike qe vuajten persekucion fetar dhe dhane jeten e
tyre, vuajten tortura ose mergimin per te deshmuar Fene Shenjte
Katolike.
(Wetzer & Welte, "Fjalori enciklopedik i Teologjise Katolike", 1864, vellimi XIV, 358)
E jap kete shpjegim sepse shpesh ata qe vdesin per Atdhé,
myslimane ose jo-katolike, quhen sot martire, gje qe eshte e gabuar.
Martire quhen vetem ata qe vdesin per te deshmuar Fene Shenjte Katolike.
gjithe te mirat,
Illyricum Sacrum
Post
