sabato, giugno 07, 2014

Nândshe lutjet në përgaditje të Festës së Rrëshajës 

(Ulja e SHPIRTIT-SHEJT) 

- Dita e Nandtë -





« O Virgjën MARI, Virgjën e lavdishme, e xanun pa mkat, Nâna e Zotit, Mbretnesha e engjëjve dhe e njerzve, dishiroj me nderue, nëpërmjet ksaj Nândsheje, tërhjekjen shêjte ku ju qëndruet s'bashkut me Apostujt, nandë ditë mbas Ngritjes së Zotit tonë JEZU-KRISHTIT në Qiell e deri në Uljen e SHPIRTIT-SHEJT, me qëllim me përfitue mbrojtjen tuej të fuqishme për me u përgaditë për Festen e Rrëshajës, ditë kur Kisha Katolike celebron kujtimin e ksaj ngjarjeje të mrekullueshme dhe kërkon me zell që, si dikur edhe tash, SHPIRTI-SHEJT të ulet mbi t'Krishtênët, për me prodhue në shpirtat e tyne po të njêjtat mrekullina. 

« Ju lutem, më siguroni hirin për me ndie nevojen që kam për tana Dhuntitë e SHPIRTIT-SHEJT, hirin me I kërkue përditë, hirin me kênë i dêjë me I marrë nëpërmjet dlirtsisë dhe meditimit, hirin, s'fundmi, me marrë tansisht, në kyt ditë, dhe me ruejtë deri në vdekje, Dhuntitë e Shkencës, të Dijes, të Inteligjencës, të Devoçmënisë, të Kshillës dhe të Druejtjes së Zotit; dhuntitë e lutjes, të pendesës dhe të përputhjes më Vullnesen Hyjnore; dhuntitë e Fesë Katolike dhe të Dashtnisë perfekte për Zotin dhe t'afërmin, për dashtni për Zotin. 

« Ju lutem, boshatisni zemren teme të shkretë prej tana krijesave, në mnyrë që JEZUSI t'a mbushë, më bollek, me Shpirtin e Tij ngushllues. 

« Ju lutem, denjóni me lutë Birin tuej që t'më napin SHPIRTIN-SHEJT dhe që t'A shpërndajë në tanë boten, për me rinovue tana shpirtnat dhe për me i nalcue në rangun e kontemplacjonit dhe dishirës të t'mirave qiellore.

« O Virgjën MARI, që jeni gjithmonë e mbushun me SHPIRTIN-SHEJT, i Cilli u ul në mnyrë të dukshme mbi jue dhe mbi Apostujt, 10 ditë mbas Ngritjes së JEZU-KRISHTIT në Qiell, ju lutem më siguroni hirin që edhe un t'jem i mbushun me SHPIRTIN-SHEJT, diten e Rrëshajës, për me shpallë me guxim Fenë Katolike, për me kapërcye tana tundimet dhe për me veprue, tash e mbrapa, vetëm prej nxitjes së SHPIRTIT-SHEJT. » 

Mandej thuhen kto lutje, gjatë 9 ditve, tuej fillue prej ditës së sotme, 30 Maj 2014 : VENI CREATOR..., PATER NOSTER..., AVE MARIA..., GLORIA PATRI..., diten e Festës dhe gjatë Oktaves (8 ditve pasuese). » ["Livre d'or des âmes pieuses" (Libri i artë i shpirtnave t'devoçme), vjeti 1893, faqet 537-538]


VENI, Creator Spiritus


VENI, Creator Spiritus,
mentes tuorum visita,
imple superna gratia
quae tu creasti pectora.

Qui diceris Paraclitus,
altissimi donum Dei,
fons vivus, ignis, caritas,
et spiritalis unctio.

Tu, septiformis munere,
digitus paternae dexterae,
Tu rite promissum Patris,
sermone ditans guttura.

Accende lumen sensibus:
infunde amorem cordibus:
infirma nostri corporis
virtute firmans perpeti.

Hostem repellas longius,
pacemque dones protinus:
ductore sic te praevio
vitemus omne noxium.

Per te sciamus da Patrem,
noscamus atque Filium;
Teque utriusque Spiritum
credamus omni tempore.

Deo Patri sit gloria,
et Filio, qui a mortuis
surrexit, ac Paraclito,
in saeculorum saecula.
Amen.


PATER NOSTER

PATER NOSTER, qui es in caelis, sanctificetur nomen tuum. Adveniat regnum tuum. Fiat voluntas tua, sicut in caelo et in terra. Panem nostrum quotidianum da nobis hodie, et dimitte nobis debita nostra sicut et nos dimittimus debitoribus nostris. Et ne nos inducas in tentationem, sed libera nos a malo. Amen.

AVE MARIA

AVE MARIA, gratia plena, Dominus tecum. Benedicta tu in mulieribus, et benedictus fructus ventris tui, IESUS. Sancta MARIA, Mater Dei, ora pro nobis peccatoribus, nunc, et in hora mortis nostrae. Amen.

GLORIA PATRI

GLORIA PATRI, et FILIO, et SPIRITUI SANCTO. Sicut erat in principio, et nunc, et semper, et in saecula saeculorum. Amen.


Përveç lutjeve t'masipërme, po shtoj edhe disa meditime e lutje shêjte, të përgadituna prej etënve françeskaj të Kanadasë, të Provincës së Kebékut, të cillat munden me u krye gjatë ksaj Nândsheje shêjte, në përgaditje dhe pritje të Festës së Rrëshajës. 


Lutje e sh'Alfons-MARIA Liguorit, për me u rrecitue çdo ditë të Nândshes : 

Lutje për Diten e Nandtë


« SHPIRT-SHEJT, Ngushllues hyjnor ! Ju adhuroj si Zotin tem të vërtetë, ashtû si ATIN Hyjnor dhe BIRIN Hyjnor. Ju bekoj, tuej u bashkue me bekimet që merrni prej engjëjve e serafínve. Ju ofroj zemren teme me tana ndjenjat e saja dhe ju falenderoj me gjithë shpirt për të tana mirsitë që keni përhapë dhe përhapni pa pushim në botë. Ju që jeni Krijuesi i tana dhuntive të mbinatyrshme dhe që keni mbushë me ndera të jashtzakonshme shpirtin e Shêjtes Nânës tenZot, Virgjinës MARI, po Ju lutem, me ardhë me m'pâ me hirin Tuej e dashtninë Tuej dhe me bâ që t'afrohem shpesh te Sakramendet e Pendesës dhe Kungimit, në mnyrë që të kem pjesë në shpërblimin e mrekullueshëm që Zoti jonë JEZU-KRISHTI i përgadit, në Qiell, tanë atyne që i kanë marrë shpesh dhe dêjësisht, ktu mbi tokë, kto Sakramende shêjte. Ashtu kjoft. »


Meditim mbi praktiken e Lutjes 

dhe frekuentimin e Sakramêndeve


« Zoti jonë JEZU-KRISHTI na ka thanë se na vetë, vetëm me forcat tona, nuk mundena me sigurue shelbimin. Zoti na ka thanë : "Pa Mue, nuk mundeni me bâ asgjâ". Për me mbajtë Urdhnimet, për me shmangë të keqen dhe për me praktikue virtytin, na kena nevojë për hirin e Zotit, hir që e marrim, normalisht, nëpërmjet lutjes dhe Sakramêndeve. 

Lutja.

I Krishtênë, a lutesh sa duhet ? Të Krishtênët e parë, që përbajshin të tanë s'bashkut vetëm nji zemër, e kishin kuptue kyt fjalë hyjnore të Zotit tonë JEZU-KRISHTIT : "Duhet me u lutë gjithmonë dhe mos me pushue së lùtunit". Në familjet tona, ku janë shpirtnat e bekuem, që përveç lutjes vokale (të jashtme), praktikojnë, s'pakut 15 minuta ose gjysë oret në ditë, lutjen mendore (të mbrendshme) ? Nuk ka lutje mâ efikase dhe mâ t'shêjte, mbas Meshes Shêjte, sesa lutja e t'Shejtnueshmes Rruxare, që ndërthur mrekullisht lutjen vokale, në recitimin e PATER NOSTER dhe AVE MARIA, me lutjen mendore, në meditimin e Mistereve shêjte të jetës hyjnore të Zotit tonë JEZU-KRISHTIT dhe Nânës së Zotit dhe Nânës tonë, Virgjinës MARI. Në Shkrimet Shêjte lexojmë se Nâna e Zotit me Apostujt, në tërhjekjen e tyne 10 ditore mbas Ngritjes së KRISHTIT Zot në Qiell, përgaditeshin, me nji lutje t'vazhdueshme, për uljen E SHPIRTIT-SHEJT. Qé pra edhe modeli jonë i imitimit. 

Sakramendet.


Ah, sikur t'a kuptojshim, si t'Krishtênët e parë dhe si e kanë kuptue tanë shêjtnit, çmimin e nji Kungimi të vetëm, të marrun me përgaditjen e duhun, nuk kishim me pritë Festen e Pashkës për me iu afrue Kungimit shêjt. Konçili shêjt i Trentës, kshillon, lutë e porosit tanë t'Krishtênët e vërtetë me marrë Kungimin shêjt sa mâ shpesh, me përgaditjen e duhun që përfshin Rrfimin, sa herë që asistojnë në nji Meshê shêjte, në mnyrë që me marrë sa ma shumë fryte prej Sakrificës së rinovueme të Kalvarit, e përsëritun në Meshen shêjte. Po ky Konçil na mson se vetë Shelbuesi jonë JEZU-KRISHTI ka themelue kyt Sakramend të Eukaristisë, n't'cillin ka vue tana pasunitë e Dashtnisë së Tij hyjnore për njerzit, tuej e bâ kyt Sakramend përmbledhjen e tana mrekullive të Tija. 

[P. Nérée-M. Beaudet O.F.M., "Catéchisme du SAINT-ESPRIT", (Katekizmi i SHPIRTIT-SHEJT), vjeti 1944, faqet 1096-111]